मिळालेल्या माहितीनुसार, रविवारी संध्याकाळी नालासोपारा परिसरातील तिच्या राहत्या घरी ही घटना घडली. त्या वेळी ती घरात एकटी असल्याचे सांगितले जात आहे. कुटुंबीय घरी परतल्यानंतर ही बाब लक्षात आली आणि तिला तातडीने रुग्णालयात नेण्यात आले. मात्र डॉक्टरांनी तिला मृत घोषित केले.
सध्या पोलीस तपास सुरू असून तिच्या निधनामागील कारण अद्याप स्पष्ट झालेले नाही. प्राथमिक तपासादरम्यान कोणतीही चिठ्ठी किंवा कारण स्पष्ट करणारा पुरावा आढळल्याची माहिती समोर आलेली नाही. त्यामुळे या प्रकरणाबाबत अनेक प्रश्न उपस्थित होत आहेत.
संचिता उगले ही आई-वडील आणि धाकट्या बहिणीसोबत राहत होती. तिच्या निधनानंतर कुटुंबीयांवर दुःखाचा डोंगर कोसळला आहे. तसेच तिचे सहकलाकार आणि चाहत्यांनीही सोशल मीडियाच्या माध्यमातून श्रद्धांजली अर्पण केली आहे.
संचिता उगले हिने छोट्या पडद्यावर अनेक लोकप्रिय मालिकांमधून प्रेक्षकांची मने जिंकली होती. ‘कुमकुम भाग्य’, ‘वागळे की दुनिया’ आणि ‘दिलवाली दुल्हा ले जाएगी’ यांसारख्या मालिकांमध्ये तिने महत्त्वाच्या भूमिका साकारल्या होत्या. तिच्या अभिनयामुळे तिने कमी कालावधीत स्वतःची वेगळी ओळख निर्माण केली होती.
मालिकांसोबतच तिने चित्रपट आणि ओटीटी प्रोजेक्ट्समध्येही काम केले होते. ‘छावा’ चित्रपटात तिने महाराणी ताराराणी यांच्या बालपणीची भूमिका साकारली होती. याशिवाय मनोज बाजपेयी यांच्या ‘सायलेन्स 2’ या चित्रपटातही ती झळकली होती.
तिच्या निधनानंतर चाहत्यांमध्ये तिच्या शेवटच्या सोशल मीडिया पोस्टची चर्चा सुरू आहे. मृत्यूच्या काही तासांपूर्वी तिने एक व्हिडिओ शेअर केला होता. त्यामध्ये ती आनंदी मूडमध्ये दिसत होती. त्यामुळे ही बातमी समोर आल्यानंतर अनेक चाहत्यांना धक्का बसला आहे.
दरम्यान, मनोरंजन विश्वात तिच्या अकाली जाण्याबद्दल शोक व्यक्त केला जात असून तिच्या कुटुंबीयांप्रती संवेदना व्यक्त केल्या जात आहेत.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.