यंदाच्या सीझनमध्ये मराठी प्रेक्षकांसाठीही खास सरप्राइज आहे. पुण्यातील मराठमोळा रॅपर YUNG DSA याने बिग बॉसच्या घरात एन्ट्री घेतली आहे.
YUNG DSAचं खरं नाव हर्ष विजय माचारे आहे. पुण्यात राहणारा हर्ष देसी हिप-हॉप आणि ट्रॅप बीट्ससाठी ओळखला जातो. आता बिग बॉसच्या घरात त्याचा प्रवास कसा असणार, याकडे प्रेक्षकांचं लक्ष लागलं आहे.
‘बिग बॉस 20’मध्ये यंदा एकूण 16 स्पर्धक सहभागी झाले आहेत. त्यामध्ये माही विज, कनिका मान, आसिफ खान, अरिश्फा खान, काझी तौकीर, ईशा रिखी, रोहेद खान, लव्ह गिल, मेरी कोम, तन्मय सिंग म्हणजेच ScoutOP, गुल्लू म्हणजे कुशल तन्वर, अमन गांधी, उदिती सिंग, रिती तिवारी, आम्रपाली दुबे आणि YUNG DSA म्हणजेच हर्ष विजय माचारे यांचा समावेश आहे.
शोच्या यंदाच्या सीझनची थीम ‘तथास-टू’ अशी आहे. याशिवाय ‘अतिरिक्त जीवन दान’ हा ट्विस्टही पाहायला मिळणार आहे. या ट्विस्टमुळे स्पर्धकांना गेममध्ये अतिरिक्त संधी मिळू शकते.
ग्रँड प्रीमियरनंतरच बिग बॉसच्या घरात वाद आणि राड्याची सुरुवात झाल्याचे पाहायला मिळणार आहे. त्यामुळे पुढील काही दिवसांमध्ये घरातील स्पर्धकांमध्ये कोणते नवे समीकरण तयार होते, हे पाहणे उत्सुकतेचे ठरणार आहे.
‘बिग बॉस 20’चा शो JioHotstar वर पाहता येणार आहे. तसेच कलर्स टीव्हीवर रात्री 10:30 वाजता हा शो प्रसारित होणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.