कमी बजेटमध्ये तयार झालेल्या या चित्रपटाने कमाईच्या बाबतीत मोठी झेप घेतली आहे. विशेष म्हणजे चित्रपटाने 50 कोटी रुपयांचा टप्पा पार केला असून आता त्याची घोडदौड सुरूच आहे.
15 व्या दिवशीही प्रेक्षकांनी चित्रपटाला चांगला प्रतिसाद दिला. उपलब्ध आकडेवारीनुसार, चित्रपटाने शुक्रवारी सुमारे 1.80 कोटी रुपयांची कमाई केली. यानंतर चित्रपटाची एकूण नेट कमाई 52.60 कोटी रुपये झाली आहे. तर ग्रॉस कलेक्शनचा आकडा 61.84 कोटी रुपयांपर्यंत पोहोचल्याचे सांगितले जात आहे.
चित्रपटात प्रवीण तरडेंसोबत स्नेहल तरडे आणि ज्येष्ठ अभिनेते मोहन जोशी महत्त्वाच्या भूमिकांमध्ये दिसत आहेत. मोहन जोशी यांनी साकारलेली स्वामींची भूमिका विशेष चर्चेत आहे. याच कारणामुळे अनेक प्रेक्षक चित्रपटगृहात जाऊन हा सिनेमा पाहत आहेत.
पहिल्या आठवड्यापासूनच चित्रपटाने बॉक्स ऑफिसवर चांगली सुरुवात केली होती. पहिल्या दिवशी 3.05 कोटी रुपयांची कमाई करणाऱ्या या चित्रपटाने पुढील दिवसांतही सातत्यपूर्ण कामगिरी केली. दुसऱ्या आठवड्यातही कलेक्शनमध्ये मोठी घसरण न झाल्याने चित्रपटाच्या यशावर शिक्कामोर्तब झाले आहे.
‘देऊळ बंद 2 बॉक्स ऑफिस कलेक्शन’ पाहता, चित्रपटाने अवघ्या 15 दिवसांत 52.60 कोटी रुपयांचा गल्ला जमावला आहे. आगामी सुट्टीचे दिवस आणि सकारात्मक प्रतिसाद लक्षात घेता, येत्या काळात हा आकडा आणखी वाढण्याची शक्यता व्यक्त केली जात आहे.
मराठी चित्रपटसृष्टीसाठी हे वर्ष यशस्वी ठरत असून ‘देऊळ बंद 2’ त्या यशातील एक महत्त्वाचा चित्रपट म्हणून पुढे येत आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.