मराठी आणि हिंदी अशा दोन्ही भाषांमध्ये प्रदर्शित झालेल्या या चित्रपटात रितेश देशमुखसोबत जिनिलिया देशमुखही महत्त्वाच्या भूमिकेत दिसत आहे. याशिवाय संजय दत्त, अभिषेक बच्चन, विद्या बालन, फरदीन खान, भाग्यश्री, सचिन खेडेकर, अमोल गुप्ते आणि जितेंद्र जोशी यांसारखे अनेक कलाकारही या सिनेमात झळकले आहेत.
बॉक्स ऑफिसच्या आकडेवारीनुसार, पहिल्या तीन दिवसांत ‘राजा शिवाजी’ने भारतात तब्बल ४० कोटींपेक्षा अधिक ग्रॉस कलेक्शन केलं आहे. तिसऱ्या दिवशी, म्हणजे रविवारी, चित्रपटाने अंदाजे १२ कोटी रुपयांची कमाई करत आपला वेग कायम ठेवला.
या चित्रपटाच्या कमाईत मराठी आवृत्तीचं वर्चस्व स्पष्टपणे दिसून आलं आहे. मराठी व्हर्जनने मोठा वाटा उचलला, तर हिंदी आवृत्तीनेही चांगली कमाई करत चित्रपटाच्या एकूण कलेक्शनमध्ये भर घातली आहे. त्यामुळे हा सिनेमा महाराष्ट्रासह देशभरात चर्चेचा विषय ठरला आहे.
विशेष म्हणजे, ‘राजा शिवाजी’ने अनेक विक्रम मोडले आहेत. मराठी चित्रपटांमध्ये पहिल्या दिवशी सर्वाधिक कमाई करणारा आणि पहिल्या वीकेंडमध्ये सर्वाधिक नेट कलेक्शन करणारा चित्रपट म्हणून त्याची नोंद झाली आहे. याआधीचे अनेक मोठे रेकॉर्ड त्याने मागे टाकले आहेत.
इतकंच नाही, तर रितेश देशमुखच्याच ‘लय भारी’ या चित्रपटाच्या लाइफटाइम कमाईलाही ‘राजा शिवाजी’ने काही दिवसांत मागे टाकल्याची चर्चा रंगली आहे. या यशामुळे मराठी सिनेसृष्टीत नवा इतिहास घडल्याचं बोललं जात आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.