‘झी मराठी’वरील दोन लोकप्रिय मालिका — ‘सावल्याची जणू सावली’ आणि ‘पारू’ — आता एका महासंगमात एकत्र येत आहेत. या विशेष भागात प्रेम, गुन्हा आणि रहस्य यांचा अप्रतिम मेळ दिसणार असून, कथा इतकी रोमहर्षक पद्धतीने पुढे सरकते की प्रेक्षकांना अक्षरशः श्वास रोखून पाहावं लागेल.
या महासंगमाची पार्श्वभूमी लक्ष्मीपूजनाचा प्रसंग आहे. घरात सणासुदीचा माहोल असतानाच, एक जुने हत्या प्रकरण पुन्हा समोर येते आणि सगळं काही पालटून जातं. या केसचा सारंग आणि आदित्य यांच्याशी थेट संबंध लागतो, ज्यामुळे दोन्ही मालिकांतील पात्रांचे आयुष्यच बदलून जातं.
कथानक जसजसे पुढे सरकते, तसतसे प्रेक्षकांना समजते की हा फक्त एक गुन्हा नाही, तर त्यामागे अनेक गूढ रहस्ये दडलेली आहेत. अहिल्या आणि पारू-आदित्य यांच्या नात्यात तणाव वाढतो, आणि सत्याच्या शोधात दोघे कोर्टात आमनेसामने येतात. कोर्टरूममधील संवाद आणि नाट्यमय खुलासे हा या भागाचा गाभा ठरणार आहे.
दरम्यान, शिवानीचे षडयंत्र पुन्हा एकदा प्रकाशझोतात येते. तिच्या योजनेमुळे अनेक जुने रहस्ये उघड होतात. याच वेळी, वकील कालिंदीची एंट्री मालिकेत सर्वात मोठा ट्विस्ट घेऊन येते — ती सत्य बाहेर आणणार की कोणाच्या फसवणुकीत हातभार लावणार, हे पाहणं रंजक ठरणार आहे.
‘सावल्याची जणू सावली’ आणि ‘पारू’चा महासंगम भाग या आठवड्यात झी मराठीवर प्रसारित होणार आहे. या भागाने दोन्ही कथांना नव्या वळणावर नेण्याची तयारी पूर्ण केली आहे. प्रेक्षकांसाठी हा भाग म्हणजे भावनांचा आणि रहस्याचा मेळ ठरणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, वेब सिरीज आणि टीव्ही मनोरंजन क्षेत्रातील ताज्या बातम्या, ट्रेंड्स आणि अपडेट्स वाचकांपर्यंत जलदगतीने पोहोचवतो. सत्य माहिती आणि सोप्या भाषेत रिपोर्टिंग करणं ही माझी ओळख आहे.