विविध कोरगावकर दिग्दर्शित आणि झी स्टुडिओ निर्मित या चित्रपटात जितेंद्र जोशी, ओम भुतकर, मकरंद अनासपुरे, सई ताम्हणकर आणि उषा नाडकर्णी यांच्या प्रमुख भूमिका आहेत. चित्रपटातील कलाकारांच्या अभिनयासह वेगळ्या कथेमुळे त्याला समीक्षकांकडूनही सकारात्मक प्रतिसाद मिळाला होता.
चित्रपटाची कथा केशव या पात्राभोवती फिरते. तो कोणालाही नुकसान न पोहोचवणारे एक खोटे बोलतो. त्याला ‘मंजुळा’ नावाच्या महिलेच्या आत्म्याने झपाटल्याचा दावा केल्यानंतर संपूर्ण गावात गोंधळ उडतो. त्यानंतर घडणाऱ्या घटना, अंधश्रद्धा, रहस्य आणि अनपेक्षित वळणांमुळे कथा अधिक रंगतदार बनते.
विनोदी प्रसंगांसोबतच चित्रपटात भीतीदायक क्षण आणि भावनिक प्रसंगांचाही समतोल साधण्यात आला आहे. अंधविश्वास, सामाजिक पूर्वग्रह आणि माणुसकीचा संदेश हलक्याफुलक्या पद्धतीने मांडण्याचा प्रयत्न या चित्रपटातून करण्यात आला आहे. त्यामुळे हा चित्रपट संपूर्ण कुटुंबासोबत पाहण्यासारखा ठरतो.
2026 मधील चर्चेत राहिलेल्या मराठी चित्रपटांपैकी ‘तुंबाडची मंजुळा’ हा एक मानला जात आहे. भय, विनोद आणि भावनिक कथानकाचा मिलाफ, तसेच दमदार कलाकारांची फळी हे या चित्रपटाचे प्रमुख आकर्षण आहे.
थिएटरमध्ये चित्रपट पाहण्याची संधी चुकलेल्या प्रेक्षकांसाठी आता हा चित्रपट घरबसल्या पाहण्याची संधी उपलब्ध होणार आहे. झी5 मराठीवर लवकरच तो स्ट्रीम होणार असून, अधिकृत रिलीजची तारीख लवकर जाहीर होण्याची शक्यता आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.