या सिझनची सुरुवात 11 जानेवारी 2026 रोजी झाली होती. एकूण 17 स्पर्धकांनी घरात राहून विविध टास्क आणि परिस्थितींना सामोरं जात आपला खेळ दाखवला. भांडणं, मैत्री, भावना आणि बदलणारी नाती यामुळे हा सिझन प्रेक्षकांना आवडला.
टॉप 5 मध्ये तन्वी कोलतेसह राकेश बापट, अनुश्री माने, दिपाली सय्यद आणि विशाल कोटियन होते. सर्वांनी चांगला खेळ केला, पण अंतिम टप्प्यात तन्वीने बाजी मारली. तर राकेश बापट उपविजेता ठरला.
या सिझनला अभिनेता रितेश देशमुख होस्ट करत होता. ‘भाऊचा धक्का’ या एपिसोडलाही प्रेक्षकांचा चांगला प्रतिसाद मिळाला.
विजयानंतर तन्वीने माध्यमांशी बोलताना सांगितले की, हा प्रवास तिच्यासाठी खूप खास होता. या शोमुळे तिला स्वतःला अधिक चांगलं ओळखता आलं. प्रेक्षकांनी दिलेलं प्रेम आणि पाठिंबा हेच तिचं खरं बळ असल्याचं ती म्हणाली.
विजेतेपदासोबत तन्वीला ट्रॉफी आणि 15 लाख रुपये बक्षीस म्हणून मिळाले. याशिवाय पु. ना. गाडगीळ अँड सन्सकडून 10 लाखांचं व्हाउचर आणि तुनवाल ई-मोटर्सकडून ई-बाईकही देण्यात आली.
तसेच ‘राजा शिवाजी’ चित्रपटाच्या टीमकडून छत्रपती शिवाजी महाराजांचा फोटो भेट म्हणून देण्यात आला. हा क्षणही विशेष ठरला.
तन्वी कोलते ही मुळची रत्नागिरीची आहे. ती सोशल मीडिया इन्फ्लुएंसर आणि मॉडेल म्हणून ओळखली जाते. इंस्टाग्रामवर तिचे रील्स, फॅशन आणि लाइफस्टाइल व्हिडिओ लोकप्रिय आहेत.
डिजिटल कंटेंट क्रिएशनमधून तिने आपली ओळख तयार केली. तिची नैसर्गिक स्टाईल आणि एक्सप्रेशनमुळे ती तरुणांमध्ये विशेष लोकप्रिय झाली आहे. कोकणातून आलेली ही मुलगी आता मराठी मनोरंजन क्षेत्रात एक मोठं नाव बनली आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.