अक्षय्य तृतीयेच्या निमित्ताने या चित्रपटाचं मोशन पोस्टर रिलीज करण्यात आलं. या पोस्टरमधील सर्वात मोठं आकर्षण म्हणजे चित्रपटाचा हिरो. विशेष म्हणजे या चित्रपटाचा मुख्य हिरो एक गोंडस श्वान आहे, ज्याचं नाव ‘कापूसकोंडा’ आहे.
या चित्रपटाची कथा एका कुटुंब आणि त्या कुत्र्याभोवती फिरते. मानवी नातेसंबंध, भावना आणि कुटुंब यावर आधारित ही गोष्ट आहे. त्यामुळेच या चित्रपटाला ‘अ फॅमिली डॉग फिल्म’ अशी टॅगलाइन देण्यात आली आहे.
या चित्रपटाचं लेखन आणि दिग्दर्शन सचिन मोहिते यांनी केलं आहे. पटकथा आणि संवादलेखनातही त्यांनी महत्त्वाची भूमिका निभावली आहे. चित्रपटाचं चित्रीकरण लातूर जिल्ह्यातील अंधोरी गावात करण्यात आलं आहे.
या चित्रपटात सचिन पिळगांवकर आणि मधुराणी गोखले यांच्यासोबत अक्षता पाडगांवकर, जान्हवी तांबट आणि भूषण पाटील हे कलाकारही दिसणार आहेत.
चित्रपटाबद्दल बोलताना सचिन पिळगांवकर म्हणाले की, त्यांच्या कारकिर्दीत त्यांनी असं कथानक याआधी कधी केलं नव्हतं. कथा वेगळी असल्यामुळे त्यांनी लगेच होकार दिला.
तर मधुराणी गोखले म्हणाल्या की, कथा ऐकताच त्या तिच्या प्रेमात पडल्या. या चित्रपटातून त्यांना वेगळी भूमिका साकारण्याची संधी मिळाली आहे. तसेच, अनेक वर्षांनंतर सचिन पिळगांवकर यांच्यासोबत काम करण्याची संधी मिळाल्यामुळे त्या आनंदी आहेत.
एकूणच, ‘कापूसकोंडा’ हा चित्रपट वेगळ्या कथानकामुळे आणि अनोख्या हिरोमुळे प्रेक्षकांमध्ये उत्सुकता निर्माण करत आहे. चित्रपटाची रिलीज डेट लवकरच जाहीर होणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.