मात्र हा प्रवास केवळ हनीमूनसाठी नसल्याची माहिती समोर आली आहे. वृत्तानुसार, या दौऱ्यात आमिर आणि गौरी यांच्यासोबत त्यांची दोन्ही मुलंही सहभागी झाली आहेत.
मिळालेल्या माहितीनुसार, आमिर आणि माजी पत्नी किरण राव यांचा मुलगा आझाद राव खान, तसेच गौरी स्प्रॅट यांच्या पूर्वीच्या विवाहातील मुलगा क्विन हे दोघेही या प्रवासात आहेत. या ट्रिपमागचा उद्देश दोन्ही मुलांना एकमेकांसोबत वेळ घालवण्याची संधी मिळावी आणि त्यांच्यातील नातं अधिक घट्ट व्हावं, असा असल्याचे वृत्तात म्हटले आहे.
तसेच आमिरलाही सावत्र मुलगा क्विनसोबत दर्जेदार वेळ घालवायचा असल्याची माहिती समोर आली आहे. त्यामुळे हा दौरा कौटुंबिक सुट्टी आणि व्यावसायिक कार्यक्रम अशा दोन्ही कारणांसाठी महत्त्वाचा मानला जात आहे.
दरम्यान, ऑस्ट्रेलिया दौऱ्यात आमिर खान मेलबर्न इंडियन फिल्म फेस्टिव्हल 2026 मध्येही सहभागी होणार आहेत. ‘सितारे जमीन पर’ या चित्रपटातील अभिनयासाठी त्यांना सर्वोत्कृष्ट अभिनेत्याच्या पुरस्कारासाठी नामांकन मिळाले आहे.
या पुरस्कारासाठी रणवीर सिंह, ऋषभ शेट्टी, अहान पांडे, ममूटी आणि दुलकर सलमान यांच्यासोबत आमिर खान यांची स्पर्धा होणार आहे. तर सर्वोत्कृष्ट अभिनेत्रीच्या पुरस्कारासाठी राणी मुखर्जी, कीर्ती कुल्हारी, नीना गुप्ता आणि यामी गौतम यांच्या नावांची चर्चा आहे.
या महोत्सवात आमिर खान आणि गौरी स्प्रॅट लग्नानंतर पहिल्यांदाच आंतरराष्ट्रीय रेड कार्पेटवर एकत्र दिसण्याची शक्यता व्यक्त केली जात आहे. त्यामुळे त्यांच्या या सार्वजनिक उपस्थितीकडे चाहत्यांचे लक्ष लागले आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.