आमिर खान यांनी काही दिवसांपूर्वीच मोठा समारंभ न करता घरच्या घरी नोंदणीकृत विवाह करण्याचा निर्णय घेतल्याची माहिती दिली होती. त्यानुसार त्यांच्या निवासस्थानी आवश्यक तयारी करण्यात आली होती. आकर्षक रोषणाईसह संपूर्ण सोहळा साधेपणाने पार पडला.
या खास प्रसंगी आमिर यांची मुलगी आयरा खान तिच्या पतीसह उपस्थित होती. मुलगा जुनैद खाननेही वडिलांच्या या आनंदाच्या क्षणाला हजेरी लावली. याशिवाय कुटुंबातील इतर जवळचे नातेवाईक आणि मित्रही विवाह सोहळ्यात सहभागी झाले.
विवाहासाठी सुमारे १०० ते १५० निवडक पाहुण्यांना निमंत्रण देण्यात आले होते. मर्यादित स्वरूपात झालेल्या या कार्यक्रमात अनेक मान्यवरांनी उपस्थित राहून नवदाम्पत्याला शुभेच्छा दिल्या.
मुंबईत मुसळधार पाऊस आणि रेड अलर्टची परिस्थिती असतानाही विवाहाच्या तयारीवर त्याचा परिणाम झाला नाही. समारंभासाठी आवश्यक सर्व व्यवस्था नियोजनानुसार पूर्ण करण्यात आल्या.
गौरी स्प्रॅट यांच्याशी झालेला हा आमिर खान यांचा तिसरा विवाह आहे. यापूर्वी त्यांनी १९८६ मध्ये रीना दत्ता यांच्याशी विवाह केला होता. या दाम्पत्याला जुनैद आणि आयरा ही दोन मुले आहेत. त्यानंतर २००२ मध्ये दोघांचा घटस्फोट झाला.
यानंतर ‘लगान’ चित्रपटाच्या चित्रीकरणादरम्यान आमिर यांची ओळख किरण राव यांच्याशी झाली. दोघांनी २००५ मध्ये विवाह केला आणि त्यांना आझाद हा मुलगा झाला. मात्र २०२१ मध्ये त्यांनी परस्पर संमतीने वेगळे होण्याचा निर्णय घेतला.
विशेष म्हणजे, घटस्फोटानंतरही आमिर खान यांचे रीना दत्ता आणि किरण राव यांच्याशी मैत्रीपूर्ण संबंध कायम आहेत. अनेक सार्वजनिक कार्यक्रमांमध्ये ते एकत्रही दिसले आहेत.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.