या नव्या ब्रँडद्वारे पारंपरिक भारतीय दागिन्यांना आधुनिक तंत्रज्ञानाची जोड देण्याचा प्रयत्न करण्यात आला आहे. आकर्षक डिझाइनसोबतच हलके आणि वापरण्यास सोयीस्कर दागिने ग्राहकांना उपलब्ध करून देण्यावर कंपनीचा भर आहे.
ब्रँडचे पहिले स्टोअर मुंबईतील बांद्रा येथे सुरू करण्यात आले आहे. या नव्या प्रवासाबद्दलची माहिती प्रीती झिंटाने सोशल मीडियाच्या माध्यमातून चाहत्यांसोबत शेअर केली. नव्या व्यवसायाबद्दल तिने आनंदही व्यक्त केला.
‘जकार्ती ज्वेलरी’ची खासियत म्हणजे पारंपरिक पोल्की आणि जडाऊ दागिन्यांचे सौंदर्य कायम ठेवत त्यांना अधिक आरामदायी बनवण्यात आले आहे. अनेकदा असे दागिने वजनदार असल्याने वापरण्यास अडचण येते. मात्र या ब्रँडमध्ये त्याच डिझाइनला आधुनिक स्वरूप देण्याचा प्रयत्न करण्यात आला आहे.
दागिन्यांच्या निर्मितीसाठी २२ कॅरेट सोनं, नैसर्गिक पोल्की हिरे आणि मौल्यवान रत्नांचा वापर केला जातो. तसेच आधुनिक 3D आणि CAD तंत्रज्ञानाच्या मदतीने डिझाइन तयार करण्यात येतात. त्यामुळे पारंपरिक लूक टिकवून ठेवतानाच दागिने अधिक आकर्षक आणि हलके बनवता येतात.
प्रीती झिंटाच्या मते, हा ब्रँड अशा महिलांसाठी आहे ज्या आपल्या परंपरा आणि संस्कृतीशी जोडलेल्या आहेत, पण त्याचवेळी आधुनिक विचारांनी पुढे जातात. स्वतःसाठी खरेदी करण्याबरोबरच कुटुंबातील सदस्यांना किंवा खास व्यक्तींना भेट देण्यासाठीही हे दागिने योग्य पर्याय ठरू शकतात.
तिने सांगितले की, नव्या तंत्रज्ञानामुळे जडाऊ दागिन्यांचे वजन कमी करण्यात यश आले आहे. त्यामुळे झुमके किंवा इतर दागिने दीर्घकाळ वापरले तरी अस्वस्थता जाणवत नाही. यामुळे सौंदर्य आणि आराम यांचा उत्तम समतोल साधण्याचा प्रयत्न या ब्रँडमधून करण्यात आला आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.