झीलने डिसेंबर 2024 मध्ये आदित्य दुबेसोबत लग्न केलं होतं. लग्नानंतर दीड वर्षांनी तिने हा खास व्हिडीओ शेअर केला. व्हिडीओच्या सुरुवातीला पाहता ती प्रेग्नंट असल्याचा भास होतो, त्यामुळे अनेक चाहत्यांनी तिला शुभेच्छा देण्यास सुरुवात केली.
मात्र काही सेकंदांनी या व्हिडीओमध्ये मोठा ट्विस्ट दिसतो. झीलने स्पष्ट केलं की, ती प्रेग्नंट नसून ही ‘गुड न्यूज’ त्यांच्या नव्या घराबद्दल आहे. त्यानंतर ती आणि तिचा पती घराची चावी दाखवत आनंद व्यक्त करताना दिसतात. त्यामुळे हा व्हायरल व्हिडीओ चाहत्यांना आश्चर्यचकित करणारा ठरला.
लग्नानंतर ‘गुड न्यूज’ कधी देणार, असा प्रश्न अनेक जोडप्यांना वारंवार विचारला जातो. त्यालाच झीलने मजेशीर पद्धतीने उत्तर दिलं आहे. तिच्या या क्रिएटिव्ह व्हिडीओला सोशल मीडियावर मोठा प्रतिसाद मिळत आहे.
झील मेहताने 2008 मध्ये ‘तारक मेहता का उल्टा चष्मा’ मालिकेत सोनूची भूमिका साकारली होती. 2012 पर्यंत ती या मालिकेत होती आणि नंतर शिक्षणासाठी तिने अभिनयातून ब्रेक घेतला.
सध्या झील अभिनय क्षेत्रापासून दूर आहे. ती स्वतःचा स्टुडंट हाऊसिंग बिझनेस सांभाळते आणि आईसोबत ब्युटी व्यवसायातही काम करते. तिचा पती आदित्य गेमिंग इंडस्ट्रीमध्ये कार्यरत आहे.
आजही झीलने साकारलेली सोनूची भूमिका प्रेक्षकांच्या लक्षात आहे. त्यामुळे तिच्या आयुष्यातील प्रत्येक अपडेटकडे चाहत्यांचं लक्ष असतं.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.