Mardaani 3 Collection: भारतीय बॉक्स ऑफिसवर सध्या दोन मोठ्या चित्रपटांची जोरदार चर्चा सुरू आहे. सनी देओलचा बहुप्रतिक्षित युद्धपट ‘बॉर्डर 2’ प्रदर्शनाच्या दुसऱ्या आठवड्यातही मजबूत कमाई करत आहे. दुसरीकडे, राणी मुखर्जीचा ‘मर्दानी 3’ अपेक्षेपेक्षा कमी प्रतिसाद मिळवत असल्याचं चित्र आहे.
23 जानेवारी रोजी प्रदर्शित झालेल्या बॉर्डर 2 ने पहिल्या आठवड्यातच जोरदार कमाई केली. पहिल्या आठवड्यात चित्रपटाने 224 कोटींपेक्षा जास्त कमाई केली होती. दुसऱ्या वीकेंडला या सिनेमानं आणखी वेग घेतला. 10 दिवसांत भारतातील एकूण नेट कलेक्शन अंदाजे 275 कोटींच्या पुढे गेलं आहे. तर वर्ल्डवाइड कमाई 375 कोटींच्या आसपास पोहोचली आहे. येत्या दिवसांत हा सिनेमा 400 कोटींचा टप्पा गाठण्याची शक्यता आहे.
दरम्यान, 30 जानेवारी रोजी प्रदर्शित झालेल्या मर्दानी 3 कडून मोठ्या अपेक्षा होत्या. राणी मुखर्जीचा अभिनय प्रेक्षकांना आवडत आहे आणि तिच्या भूमिकेचं कौतुक होत आहे. मात्र कमाईच्या बाबतीत चित्रपट मागे पडताना दिसतो आहे.
मर्दानी 3 ने पहिल्या दिवशी 4 कोटी, दुसऱ्या दिवशी 6.25 कोटी आणि तिसऱ्या दिवशी 7.25 कोटींची कमाई केली. तीन दिवसांत चित्रपटाचं एकूण कलेक्शन 17.50 कोटी झालं आहे. सकारात्मक प्रतिक्रिया मिळत असल्या तरी, बॉर्डर 2 च्या यशामुळे या सिनेमाच्या स्क्रीन काउंटवर परिणाम झाला आहे.
या चित्रपटात शिवानी शिवाजी रॉयच्या भूमिकेत राणी मुखर्जी मुलींच्या तस्करीच्या गंभीर प्रकरणाचा तपास करताना दिसते. तिच्या दमदार अभिनयाचं सर्वत्र कौतुक होत आहे. पण बॉक्स ऑफिसच्या शर्यतीत सध्या बॉर्डर 2 आघाडीवर आहे.
अधिक बातम्या वाचण्यासाठी येथे क्लिक करा.
मी मराठी चित्रपट, टीव्ही सिरीयल्स आणि ओटीटीवरील ट्रेंडिंग अपडेट्स आणि मनोरंजन बातम्या वाचकांपर्यंत पोहोचवते. विश्वासार्ह माहिती आणि सोप्या भाषेतील प्रेझेंटेशन हे माझ्या लेखनाचं वैशिष्ट्य आहे.