तमिळनाडूमधील राजकीय घडामोडींमध्ये त्याच्या पक्षाची जोरदार चर्चा सुरू आहे. त्यामुळे अभिनेता म्हणून लोकप्रिय असलेला विजय आता राजकीय क्षेत्रातही मोठं नाव बनू शकतो, अशी चर्चा रंगली आहे.
विजयने लहान वयातच अभिनय क्षेत्रात प्रवेश केला. बालकलाकार म्हणून करिअरची सुरुवात केल्यानंतर त्याने मुख्य अभिनेता म्हणून स्वतःची वेगळी ओळख निर्माण केली. त्यानंतर अनेक सुपरहिट चित्रपट देत त्याने बॉक्स ऑफिसवर आपलं वर्चस्व कायम ठेवलं.
रोमँटिक, अॅक्शन आणि कौटुंबिक अशा विविध भूमिकांमधून विजयने प्रेक्षकांची मनं जिंकली. काही चित्रपटांनी त्याच्या करिअरला मोठी उंची मिळवून दिली आणि तो दक्षिणेतील सर्वाधिक मानधन घेणाऱ्या अभिनेत्यांपैकी एक बनला.
निवडणूक कागदपत्रांनुसार, विजयची एकूण संपत्ती जवळपास 603 कोटी रुपये असल्याचे सांगितले जाते. त्याच्या बँक खात्यांमध्ये मोठी बचत असून आलिशान मालमत्ताही त्याच्याकडे आहे.
चेन्नईमध्ये विजयचा कोट्यवधींचा आलिशान बंगला आहे. याशिवाय त्याच्याकडे अनेक लक्झरी कार्सचा ताफा असून त्यामध्ये BMW, Lexus आणि Vellfire सारख्या महागड्या गाड्यांचा समावेश आहे. या वाहनांची किंमतही कोट्यवधींमध्ये असल्याचे बोलले जाते.
चित्रपटांसाठी विजयची फीही प्रचंड आहे. एका सिनेमासाठी तो 100 ते 120 कोटी रुपये मानधन घेत असल्याची चर्चा असते. मात्र त्याच्या आगामी चित्रपटासाठी तब्बल 250 कोटी रुपये मानधन घेतल्याची चर्चा रंगली असून त्यामुळे तो देशातील सर्वाधिक मानधन घेणाऱ्या अभिनेत्यांच्या यादीत आणखी वर पोहोचला आहे.
अभिनय, संपत्ती आणि आता राजकारणातील उपस्थिती यामुळे विजय थलपतीची संपत्ती आणि त्याचा वाढता प्रभाव सध्या सर्वांच्या चर्चेचा विषय ठरला आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.