काही दिवसांपूर्वी अभिनेत्री हर्षदा खानविलकर यांनी सोशल मीडियावर एक व्हिडिओ शेअर केला होता. त्यात त्यांनी रंगभूमीची आठवण येत असल्याचं सांगितलं होतं. मालिकांमध्ये आणि चित्रपटांमध्ये काम केल्यानंतर त्यांना पुन्हा नाटक करायचं आहे, अशी त्यांची इच्छा होती. मात्र संधी मिळत नसल्याची खंतही त्यांनी व्यक्त केली होती.
याच दरम्यान अभिनेता सुनील बर्वे यांनीही नव्या पिढीसोबत काम करण्याची इच्छा व्यक्त केली होती. या दोघांचे व्हिडिओ चर्चेत असतानाच प्रिया आणि उमेश यांनी एक वेगळा प्लॅन केला.
प्रिया आणि उमेश यांनी हर्षदा खानविलकर आणि सुनील बर्वे यांची भेट घेतली. त्यांना नाटकाची स्क्रिप्ट दिली आणि याच भेटीत नव्या नाटकाची घोषणा झाली. या नाटकाचं नाव आहे ‘आमच्या पिढीची गोष्टच वेगळी!’.
नंतर समजलं की, या सर्व व्हिडिओंचा संबंध नाटकाच्या प्रमोशनशी होता. प्रिया-उमेश यांच्या निर्मितीतलं हे तिसरं नाटक आहे.
या नाटकाचं दिग्दर्शन अद्वैत दादरकर यांनी केलं आहे. कलाकारांच्या यादीत हर्षदा खानविलकर, सुनील बर्वे यांच्यासोबत अक्षर कोठारी, शर्मिला शिंदे, शंतनू ठवळी आणि वैशाली आंबवणे यांचा समावेश आहे. लेखक अमोल पाटील यांनी हे नाटक लिहिलं आहे.
नाटकाची रिलीज तारीख लवकरच जाहीर होणार आहे. नावावरून पाहता, ही कथा मध्यमवयीन लोकांच्या आयुष्याभोवती फिरणारी असू शकते.
इतक्या दमदार कलाकारांची टीम एकत्र आल्यामुळे प्रेक्षकांमध्ये उत्सुकता वाढली आहे. आता हे नाटक रंगभूमीवर किती गाजतं, हे पाहणं महत्त्वाचं ठरणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.