Shashank Ketkar: टीव्हीवर आपला ठसा उमटवणारा शशांक केतकर आता पुन्हा एकदा मोठ्या पडद्यावर दिसणार आहे. ‘होणार सुन मी ह्या घरची’मधून लोकप्रिय झालेला शशांक, सध्या मुंरबा मालिकेमुळेही चर्चेत आहे. पण यामध्येच त्याने चाहत्यांना दिलेली नवी बातमी सध्या सोशल मीडियावर तापली आहे.
शशांकने आपल्या पोस्टमधून सांगितलं की, “यंदा डिसेंबरमध्येच ‘कैरी’ येणार.” त्याने शेअर केलेलं पोस्टर पाहून प्रेक्षकांचं कुतूहल आणखी वाढलं. त्याचा लूक रहस्यमय ठेवला असून, नेमकं तो कोणत्या भूमिकेत दिसणार यावर चर्चा सुरू आहे.
या सिनेमात सुबोध भावे, सिद्धार्थ जाधव, सायली संजीव यांच्यासह शशांक मुख्य भूमिकेत आहे. पोस्टरमधील त्याची उपस्थिती साधी नसून, त्यात एक वेगळाच टोन दिसतोय. चाहत्यांना हे पाहून चित्रपटाबद्दलची उत्सुकता नैसर्गिकच वाढली आहे.
‘कैरी’चे दिग्दर्शन शंतनू गणेश रोडे यांनी केलं आहे. ए९१ फिल्म प्रोडक्शन आणि अमेय खोपकर एंटरटेनमेंट या मोठ्या निर्मिती संस्थांमुळे चित्रपटाची भव्यता आणखी वाढली आहे. चित्रपट १२ डिसेंबरला प्रदर्शित होणार असून, कथानकाची दिशा आणि शशांकचा नवा अवतार काय असेल याबाबत सध्या सोशल मीडियावर चर्चा रंगली आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.