स्टार प्रवाह वाहिनीवर येत्या 27 ऑक्टोबरपासून नवीन हॉरर मालिका ‘काजळमाया’ प्रेक्षकांच्या भेटीला येत आहे. वैष्णवी कल्याणकर, अक्षय केळकर आणि रुची जाईल या कलाकारांच्या प्रमुख भूमिका असलेल्या या मालिकेचा प्रोमो नुकताच प्रदर्शित झाला.
नवीन शो सुरू झाल्यावर जुन्या मालिकांच्या वेळेत बदल होणं साहजिकच असतं. त्यामुळेच ‘काजळमाया’च्या प्रसारणानिमित्ताने वाहिनीवरील दोन लोकप्रिय मालिकांच्या वेळा बदलल्या गेल्या आहेत.
‘काजळमाया’ दररोज रात्री 10:30 वाजता दाखवली जाणार आहे. या वेळेत सध्या ‘तू ही रे माझा मितवा’ ही मालिका प्रसारित होते. त्यामुळे अभिजीत आमकर आणि शर्वरी जोग यांच्या प्रमुख भूमिका असलेली ही मालिका आता रात्री 8 वाजता प्रसारित होईल. या बदलानंतर ईश्वरी-अर्णवच्या चाहत्यांनी आनंद व्यक्त केला आहे, कारण आता त्यांचा आवडता शो थोडा लवकर पाहायला मिळणार आहे.
तथापि, ‘तू ही रे…’ला मिळालेल्या नवीन स्लॉटमुळे ‘कोण होतीस तू काय झालीस तू’ या मालिकेच्या वेळेतही बदल झाला आहे. गिरीजा प्रभू आणि मंदार जाधव यांच्या मुख्य भूमिका असलेली ही मालिका आता रात्री 11 वाजता दाखवली जाईल.
वाहिनीने या नवीन वेळांचा प्रोमो सोशल मीडियावर शेअर केला असून, या बदलांची अंमलबजावणी 27 ऑक्टोबरपासून होणार आहे. या निर्णयामुळे काही चाहते आनंदी असले तरी, ‘कोण होतीस तू काय झालीस तू’च्या चाहत्यांनी उशिराच्या स्लॉटबद्दल नाराजी व्यक्त केली आहे.
‘काजळमाया’च्या एन्ट्रीनंतर स्टार प्रवाहवरील टीआरपीचं गणित कसं बदलतं, हे पाहणं प्रेक्षकांसाठी उत्सुकतेचं ठरणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.