Santosh Juvekar: हिंदी नाटकानंतर संतोष जुवेकर आता नव्या मराठी चित्रपटात प्रेक्षकांच्या भेटीला येतोय. ‘स्मार्ट सुनबाई’ या नावाच्या या सिनेमाचं दिग्दर्शन शिवाजी दोलताडे यांनी केलं असून, निर्मिती गोवर्धन दोलताडे आणि गार्गी यांनी केली आहे. चित्रपट २१ नोव्हेंबर २०२५ रोजी महाराष्ट्रभर प्रदर्शित होणार आहे.
अलीकडेच प्रदर्शित झालेल्या पोस्टरमध्ये संतोष जुवेकरचा लुक खास उठून दिसतो. त्याची शहरी झलक आणि कथेतली गूढता यामुळे प्रेक्षकांच्या मनात उत्सुकता निर्माण झाली आहे. “ही स्मार्ट सुनबाई कोण? तिच्या आयुष्यात काय घडणार?” या प्रश्नाभोवती ही कथा फिरते, आणि त्यात जुवेकर महत्त्वाची भूमिका निभावणार आहेत.
या सिनेमात रोहन पाटील, भाऊ कदम, मोहन जोशी, दीपक शिर्के, अंशुमन विचारे, सायली देवधर, प्राजक्ता गायकवाड, किशोरी शहाणे, उषा नाईक यांसारखे दिग्गज कलाकारही आहेत. इतक्या मोठ्या स्टारकास्टमध्ये जुवेकरची उपस्थिती चित्रपटाची खास जमेची बाजू मानली जाते.
कथा आणि लेखन योगेश शिरसाट यांचे असून, संगीत विजय नारायण गवंडे आणि साई-पियुष यांनी दिलं आहे. गीतकार वैभव देशमुख आणि अदिती द्रविड यांच्या गीतांना अजय गोगावले, वैशाली माढे आणि सावनी रवींद्र यांच्या आवाजाची साथ आहे.
‘स्मार्ट सुनबाई’ हा सिनेमा रहस्य, हास्य आणि भावनांचा मेळ घालणारा असल्याने प्रत्येक प्रेक्षकाला आपलासा वाटेल. २१ नोव्हेंबरपासून महाराष्ट्रभर झळकणाऱ्या या चित्रपटात संतोष जुवेकरचा अभिनय प्रेक्षकांसाठी एक मोठं आकर्षण ठरणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.