मराठी चित्रपट ‘दशावतार’ सध्या राज्यभरात चर्चेचा विषय ठरला आहे. या सिनेमाला राजकारण, समाज आणि कला अशा सर्वच क्षेत्रातून प्रतिसाद मिळतो आहे. मनसेचे अध्यक्ष राज ठाकरे यांनी हा चित्रपट पाहिला आणि त्याविषयी खास प्रतिक्रिया दिली.
राज ठाकरे म्हणाले की, गेली अनेक वर्ष ते महाराष्ट्राला एकच सांगत आहेत – जमिनी वाचवा, कारण जमिनी हेच आपलं अस्तित्व आहे. हा प्रश्न फक्त कोकणापुरता मर्यादित नाही, तर संपूर्ण महाराष्ट्राचा आहे. ‘दशावतार’नं हा विषय अतिशय हुशारीनं मांडला आहे, असं त्यांनी कौतुक केलं.
या चित्रपटातील कलाकारांविषयी बोलताना ठाकरे यांनी दिलीप प्रभावळकर यांचा खास उल्लेख केला. “प्रभावळकर यांनी उत्तम काम केलं आहे, हे म्हणणं खूप छोटं ठरेल. त्यांनी खरोखरच कमाल केली आहे,” असे ते म्हणाले. दिग्दर्शक सुबोध भावे, अभिनेते महेश मांजरेकर आणि प्रियदर्शनी यांचंही त्यांनी तोंडभरून कौतुक केलं.
राज ठाकरे यांनी प्रेक्षकांना संदेश दिला की हा चित्रपट फक्त मनोरंजनासाठी नाही, तर महाराष्ट्रातील गंभीर प्रश्न समजून घेण्यासाठीही पाहावा. “संपूर्ण महाराष्ट्राने हा चित्रपट पाहावा,” असे आवाहन त्यांनी केलं.
१२ सप्टेंबर २०२५ रोजी प्रदर्शित झालेल्या ‘दशावतार’ला पहिल्याच दिवसापासून प्रेक्षकांचा चांगला प्रतिसाद मिळत आहे.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, वेब सिरीयल्स आणि मनोरंजन जगतातील ताज्या बातम्या, रिव्ह्यू आणि ट्रेंडिंग अपडेट्स सोप्या भाषेत वाचकांसमोर मांडतो. नेहमी अचूक आणि विश्वासार्ह माहिती देणं हेच माझं प्राधान्य आहे.