Prathamesh Parab: प्रथमेश परब आणि त्याची पत्नी क्षितिजा घोसाळकर ही जोडी सोशल मीडियावर नेहमीच चर्चेत असते. ‘बालक पालक’, ‘टाइमपास’ आणि ‘टकाटक’सारख्या चित्रपटांतून लोकप्रिय झालेल्या प्रथमेशसोबत क्षितिजाही इन्फ्ल्यूएंसर म्हणून ओळखली जाते. यंदा तिला “Digital Influencer Of The Year 2025” हा सन्मान मिळाला आणि हा पुरस्कार तिनं खास पद्धतीने शेअर केला.
क्षणभरही थांबता न येणाऱ्या व्यस्त दिनचर्येत ती कंटेंट तयार करते, रील्स बनवते, युट्यूबवर काम करते आणि त्याचबरोबर ९ ते ५ नोकरीही संभाळते. या प्रवासाबद्दल बोलताना क्षितिजा म्हणते की या सगळ्यात तिची एकच ताकद होती — तिची पॅशन. मेहनतीच्या बळावर तिनं सातत्य ठेवले आणि हा पुरस्कार जिंकला.
या खास पोस्टमध्ये तिनं तिच्या कंटेंट क्रिएशनचा छोटा प्रवास सांगितला. २०१९ मध्ये फोटोशूट सिरिजपासून सुरुवात करून रील्स, ब्रँड शूट्स आणि युट्यूब व्हिडीओपर्यंत तिचा प्रवास वाढत गेला. प्रेक्षकांच्या प्रेमामुळे हे सगळं शक्य झालं, असंही ती नम्रपणे सांगते.
सर्वात गोड गोष्ट म्हणजे तिनं हा संपूर्ण सन्मान पती प्रथमेशला समर्पित केला. ती लिहिते, “माझी प्रेरणा, माझी ताकद आणि माझी सपोर्ट सिस्टम म्हणजे प्रथमेश परब. हा पुरस्कार तुझ्यासाठीच.”
या पोस्टवर नेटकऱ्यांनी भरभरून शुभेच्छा दिल्या, तर प्रथमेशनेही प्रतिक्रिया देत तिला “My Super Woman” असं म्हणत कौतुक केलं.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, वेब सिरीज आणि टीव्ही मनोरंजन क्षेत्रातील ताज्या बातम्या, ट्रेंड्स आणि अपडेट्स वाचकांपर्यंत जलदगतीने पोहोचवतो. सत्य माहिती आणि सोप्या भाषेत रिपोर्टिंग करणं ही माझी ओळख आहे.