मुख्यमंत्री देवेंद्र फडणवीस यांच्या हस्ते हा पुरस्कार प्रसाद ओक यांना प्रदान करण्यात आला. यावेळी त्यांच्या आजवरच्या कारकिर्दीचं कौतुक करताना मुख्यमंत्र्यांनी त्यांचा उल्लेख ‘कला क्षेत्रातील 360 डिग्री मॅन’ असा केला.
प्रसाद ओक यांनी आपल्या कारकिर्दीत अनेक वेगवेगळ्या भूमिका साकारल्या आहेत. अभिनेता म्हणून विविध व्यक्तिरेखा पडद्यावर उभ्या करण्यासोबतच त्यांनी दिग्दर्शक आणि निर्माता म्हणूनही काम केलं आहे. त्यांच्या कलात्मक प्रवासात गायन आणि काव्यलेखनाचाही समावेश आहे.
याशिवाय कथालेखन आणि विविध कार्यक्रमांमध्ये परीक्षक म्हणूनही त्यांनी आपली भूमिका पार पाडली आहे. त्यामुळे अभिनयाच्या एका क्षेत्रापुरते मर्यादित न राहता विविध कलाक्षेत्रांत योगदान देणारा कलाकार म्हणून त्यांची ओळख निर्माण झाली आहे.
प्रसाद ओक यांना मिळालेली 360 डिग्री मॅन ही उपमा त्यांच्या या बहुआयामी प्रवासाशी जोडली जात आहे. अभिनयापासून दिग्दर्शनापर्यंत आणि गायनापासून लेखनापर्यंत त्यांनी वेगवेगळ्या माध्यमांत स्वतःचा ठसा उमटवला आहे.
मुख्यमंत्र्यांकडून मिळालेल्या या विशेष कौतुकामुळे प्रसाद ओक यांच्या कलाप्रवासाची पुन्हा एकदा चर्चा झाली आहे. विशेष योगदान पुरस्कार हा त्यांच्या दीर्घ कारकिर्दीतील आणखी एक महत्त्वाचा सन्मान ठरला आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.