Girija Oak: मराठी अभिनेत्री गिरीजा ओक सध्या सोशल मीडियावर प्रचंड चर्चेत आहे. एका टीव्ही चॅनलवरील इंटरव्ह्यूदरम्यान ती निळ्या साडीत दिसली, आणि तो व्हिडिओ क्षणातच व्हायरल झाला. गिरीजाचा लूक, तिची स्टाईल आणि नैसर्गिक ग्रेस पाहून चाहत्यांनी तिला अक्षरशः डोक्यावर घेतलं.
या व्हिडिओमुळे गिरीजाचं नाव केवळ मराठी नव्हे तर राष्ट्रीय स्तरावर पोहोचत आहे. अनेकांनी तिच्या निळ्या साडीतील व्हिडिओला “एलिगंट” असं म्हटलं असून, सोशल मीडियावर तिच्या क्लिप्स मोठ्या प्रमाणात शेअर केल्या जात आहेत.
व्हायरल व्हिडिओमध्ये गिरीजाने कॉलेजच्या दिवसातील एक मजेशीर किस्सा सांगितला. ती म्हणाली, “माझा फिजिक्स प्रोफेसर होता. त्यांनी वर्गात विचारलं, ‘What are babes?’ आणि आम्ही सगळे थक्क झालो. नंतर समजलं की त्यांनी प्रत्यक्षात ‘waves’ असं म्हणायचं होतं!” या किस्स्याने सर्वांना हसू फुटलं.
Hindustan Times शी बोलताना गिरीजा म्हणाली, “मला खूप मजा आली! रविवारी संध्याकाळी माझा फोन सतत वाजत होता. सगळे मित्र मेसेज करत होते, ‘तुला माहिती आहे का X वर काय चाललं आहे?’”
हा व्हिडिओ आणि तिचा तो किस्सा एकत्र आल्याने गिरीजा ओक पुन्हा चर्चेत आली आहे. तिचा विनोदी स्वभाव आणि एलिगंट लूक यामुळे ती चाहत्यांची अधिक आवडती झाली आहे.
सध्या गिरीजा तिच्या नव्या वेब सीरीज Therapy Sherapy मध्ये काम करत आहे. यात ती अभिनेता गुलशन देवैया सोबत झळकणार आहे. दोघांमधील केमिस्ट्रीबद्दलही सोशल मीडियावर चर्चा सुरू आहे.
गिरीजा ओकचा जन्म २७ डिसेंबर १९८७ रोजी नागपूर येथे झाला. ती प्रसिद्ध अभिनेते गिरीश ओक यांची कन्या आहे. तिने मुंबईतील ठाकूर कॉलेजमधून बायोटेक्नॉलॉजीमध्ये पदवी घेतली आहे. वयाच्या १५व्या वर्षीच तिने अभिनयक्षेत्रात पाऊल ठेवलं.
तिने तारे जमीन पर (२००७) मध्ये आमिर खानसोबत आणि जवान (२०२३) मध्ये शाहरुख खानसोबत भूमिका साकारली होती. आजही तिच्या अभिनयाची आणि व्यक्तिमत्त्वाची चर्चा सुरूच आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.