Gharoghari Matichya Chuli Serial: स्टार प्रवाहवरील लोकप्रिय मालिका ‘घरोघरी मातीच्या चुली’ लवकरच एका मोठ्या ट्वीस्टकडे वळणार आहे. प्रेक्षकांसाठी मालिकेत आता १२ वर्षांपूर्वीचा फ्लॅशबॅक दाखवला जाणार आहे. या फ्लॅशबॅकमधून जानकी आणि ऋषिकेश यांच्या प्रेमकथेचा भूतकाळ उलगडला जाणार आहे.
मराठी मालिकांमध्ये सध्या टीआरपीसाठी प्रचंड स्पर्धा आहे. प्रेक्षकांचं लक्ष वेधण्यासाठी अनेक मालिका लीप, ट्वीस्ट आणि अनपेक्षित बदल आणताना दिसतात. याच पार्श्वभूमीवर स्टार प्रवाह वाहिनीने एक नवा प्रयोग केला आहे. मराठी टेलिव्हिजनमध्ये पहिल्यांदाच एखाद्या मालिकेचं कथानक वर्षांपूर्वीच्या काळात नेलं जात आहे.
या फ्लॅशबॅकमध्ये जानकी आणि ऋषिकेशची पहिली भेट, त्यांचं प्रेम कसं फुललं आणि त्यांच्या नात्यात मकरंद नावाचं वादळ कसं आलं, हे दाखवण्यात येणार आहे. पूर्वीचा तो मकरंद कोण होता आणि त्याने दोघांच्या नात्यात अडथळा निर्माण करण्याचा काय प्रयत्न केला, याचं उत्तरही या नव्या ट्रॅकमध्ये मिळणार आहे.
सध्या मालिकेत रणदिवे कुटुंबात ऐश्वर्या आणि मास्कमॅनमुळे निर्माण झालेलं नवं वादळ दाखवलं जात आहे. अशा वेळी हा फ्लॅशबॅक ट्रॅक प्रेक्षकांसाठी नवी उत्सुकता निर्माण करणार आहे.
स्टार प्रवाहने त्यांच्या सोशल मीडियावर या फ्लॅशबॅकचा प्रोमो शेअर केला आहे. “हा नवा ट्रॅक नक्की बघा,” असं कॅप्शन देत वाहिनीने प्रेक्षकांना या नव्या कहाणीचं आमंत्रण दिलं आहे.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, टीव्ही शो आणि ओटीटीवरील नवीन अपडेट्स, रिव्ह्यू आणि ट्रेंडिंग बातम्या वाचकांपर्यंत पोहोचवतो. वेगवान, स्पष्ट आणि फॅक्ट-बेस्ड रिपोर्टिंग करणं हे माझं वैशिष्ट्य आहे.