बिग बॉसच्या घरातून बाहेर आल्यानंतर तिची तब्येत बिघडली असल्याची माहिती अनुश्रीने एका व्हिडीओद्वारे दिली. त्यामुळेच ती कोणत्याही मुलाखतीत किंवा सोशल मीडियावर सक्रिय दिसली नाही.
तिने शेअर केलेल्या व्हिडीओमध्ये ती खूप थकलेली दिसत होती. बोलताना अनुश्री म्हणाली की, बिग बॉसच्या घरातून बाहेर आल्यानंतर सुरुवातीचे दोन दिवस ती ठीक होती. मात्र, वातावरणात बदल झाल्यानंतर तिची प्रकृती अचानक खराब झाली.
अनुश्रीने सांगितलं की, पूर्णपणे बरी व्हायला अजून किती वेळ लागेल हे सध्या सांगता येणार नाही. पण लवकरच ती ठणठणीत बरी होऊन पुन्हा चाहत्यांशी जोडली जाईल. त्यानंतर तिचे अपडेट्स आणि मुलाखती चाहत्यांना पाहायला मिळतील, असंही तिने स्पष्ट केलं.
अनुश्री मानेने बिग बॉसच्या घरात संपूर्ण सीझनमध्ये दमदार खेळ केला. निर्भीड स्वभाव आणि स्पष्ट भूमिकेमुळे तिला ‘शेरनी’ हा किताब मिळाला होता. प्रत्येक टास्कमध्ये तिने जोरदार लढत दिली आणि टॉप 5 पर्यंत मजल मारली.
आता तिची प्रकृती लवकर सुधारावी, अशी प्रार्थना चाहते करत आहेत. त्याचबरोबर बिग बॉसनंतर अनुश्री कोणत्या नव्या प्रोजेक्टमध्ये दिसणार, याकडेही सर्वांचं लक्ष लागलं आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.