‘रक्तफळ’ हा मॅड फँटसी-कॉमेडी-थ्रिलर प्रकारातील चित्रपट आहे. गोव्यातील नाईटलाईफ, वेलनेस टुरिझम आणि आजच्या तरुणाईच्या महत्त्वाकांक्षा या सगळ्यांना कथेत स्थान देण्यात आलं आहे. त्यामुळे या चित्रपटातून नेहमीच्या धाटणीपेक्षा काहीतरी वेगळं पाहायला मिळण्याची शक्यता आहे.
चित्रपटात उपेंद्र लिमये, अमृता खानविलकर, गौरी नलावडे, केतकी कुलकर्णी, ‘कोटा फॅक्टरी’मधून परिचित झालेला मयूर मोरे आणि इन्फ्लुएन्सर आदित्य ठाकरे हे कलाकार महत्त्वाच्या भूमिकांमध्ये दिसणार आहेत.
‘रक्तफळ’चं गोव्यात तब्बल 40 दिवस चित्रीकरण झालं आहे. चित्रपटाचं मुख्य शूटिंग पूर्ण झालं असून सध्या पोस्ट-प्रॉडक्शनचं काम सुरू आहे. लवकरच प्रमोशनल उपक्रमांनाही सुरुवात होणार आहे.
सुजय डहाके यांचे ‘तुझ्या आयला’ आणि ‘रक्तफळ’ हे दोन चित्रपट सध्या चर्चेत आहेत. दोन्ही चित्रपटांचं मुख्य चित्रीकरण पूर्ण झालं असून पुढील काही महिन्यांत ते प्रेक्षकांच्या भेटीला येणार आहेत.
‘तुझ्या आयला’ हा भावनिक विषयावर आधारित चित्रपट असून, या चित्रपटात राजश्री देशपांडे, संभाजी भगत आणि रोहिणी हट्टंगडी यांच्या प्रमुख भूमिका आहेत. हा चित्रपट 25 सप्टेंबर 2026 रोजी चित्रपटगृहात प्रदर्शित होणार आहे.
दुसरीकडे ‘रक्तफळ’मध्ये आधुनिक तरुणाईच्या भावनिक संघर्षाकडे वेगळ्या नजरेने पाहण्याचा प्रयत्न करण्यात आला आहे. फँटसी, कॉमेडी आणि थ्रिलरचा मिलाफ असलेल्या या कथेत गोव्याचं वातावरणही महत्त्वाची भूमिका बजावणार आहे.
सध्या ‘रक्तफळ’ पोस्ट-प्रॉडक्शनच्या टप्प्यात आहे. चित्रपट फेब्रुवारी–मार्च 2027 दरम्यान प्रदर्शित होण्याची शक्यता आहे. त्यामुळे अमृता खानविलकर आणि सुजय डहाके यांच्या या हटके सिनेमातून नेमकं काय पाहायला मिळणार, याकडे आता प्रेक्षकांचं लक्ष लागलं आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.