‘कुणी तरी येणार येणार गं…’ या गाण्याच्या पार्श्वभूमीवर शेअर करण्यात आलेल्या व्हिडिओमध्ये आनंदी आणि उत्साही वातावरण पाहायला मिळत आहे. विशेष म्हणजे, जान्हवी संजनाची ओटी भरताना दिसत असून तिच्या या प्रेमळ कृतीचे चाहत्यांनी कौतुक केले आहे.
“संजनाचे डोहाळे जेवण…” असे कॅप्शन देत जान्हवीने इन्स्टाग्रामवर दोन वेगवेगळे व्हिडिओ पोस्ट केले आहेत. कुटुंबीय आणि जवळच्या मित्रमंडळींच्या उपस्थितीत हा सोहळा पारंपरिक पद्धतीने साजरा करण्यात आला.
सूरज चव्हाण आणि संजना लवकरच आई-बाबा होणार आहेत. त्यामुळे हा सोहळा त्यांच्या आयुष्यातील एक महत्त्वाचा आणि भावनिक क्षण ठरला. कार्यक्रमासाठी करण्यात आलेली सजावट, कुटुंबीयांचा उत्साह आणि मित्रपरिवाराचा सहभाग यामुळे वातावरण आणखी आनंदमय झाले होते.
या खास प्रसंगी डोहाळे जेवण सोहळ्यात सहभागी होत जान्हवीने या जोडप्याला शुभेच्छा दिल्या. तिच्या साध्या आणि आपुलकीच्या स्वभावामुळे उपस्थितांचेही लक्ष वेधले गेले.
दरम्यान, सोशल मीडियावर व्हायरल होत असलेल्या या व्हिडिओंमध्ये अनेक सुंदर क्षण पाहायला मिळत आहेत. चाहत्यांनीही कमेंट्सच्या माध्यमातून जान्हवी आणि या जोडप्यावर प्रेमाचा वर्षाव केला आहे. विशेषतः व्हायरल व्हिडिओ पाहिल्यानंतर अनेकांनी जान्हवीने जपलेल्या नात्याचे कौतुक केले आहे.
सध्या या सोहळ्याचे फोटो आणि व्हिडिओ सोशल मीडियावर मोठ्या प्रमाणात शेअर होत असून संजना-सूरज यांच्या नव्या प्रवासासाठी चाहत्यांकडून शुभेच्छा दिल्या जात आहेत.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.