‘ठरलं तर मग’ या लोकप्रिय मालिकेत आता एक मोठा बदल घडतोय. काही महिन्यांपूर्वी ज्येष्ठ अभिनेत्री ज्योती चांदेकर यांचं निधन झाल्यानंतर, त्यांच्या पूर्णा आजींच्या भूमिकेसाठी कोणाला निवडणार याबाबत प्रेक्षकांमध्ये उत्सुकता होती. अखेर नव्या पूर्णा आजींचं आगमन मालिकेत झालं आहे.
स्टार प्रवाहच्या ऑफिशिअल सोशल मीडिया पेजवरून सेटवरील एक व्हिडिओ शेअर करण्यात आला आहे. त्या व्हिडिओमध्ये संपूर्ण टीम नव्या पूर्णा आजींचं स्वागत करताना दिसते. अर्जुनची भूमिका साकारणारा अमित भानुशाली त्यांच्या पाया पडताना दिसतो, आणि संपूर्ण वातावरणात एक आपलेपणा जाणवतो.
सोशल मीडियावर अनेक प्रेक्षकांनी या नव्या अभिनेत्रीबद्दल अंदाज वर्तवले आहेत. काहींनी कमेंट्समध्ये लिहिलं आहे की या भूमिका रोहिणी हट्टंगडी साकारत आहेत. मात्र, अद्याप या बाबत अधिकृत घोषणा झालेली नाही.
या आधी स्वाती चिटणीस या भूमिकेसाठी चर्चेत होत्या, पण त्या मालिकेत सहभागी नसल्याचं आता स्पष्ट झालं आहे. ज्योती चांदेकर यांच्या निधनानंतर मालिकेच्या निर्माती सुचित्रा बांदेकर यांनी नवीन कलाकाराची निवड लवकरच होईल असं सांगितलं होतं. मुख्य अभिनेत्री जुईनेही त्यावेळी नव्या बदलाचे संकेत दिले होते.
आता या नव्या पूर्णा आजीमुळे मालिकेला नवचैतन्य मिळणार आहे, आणि प्रेक्षकांनाही त्यांचं आगमन पाहण्याची उत्सुकता लागली आहे.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, टीव्ही शो आणि ओटीटीवरील नवीन अपडेट्स, रिव्ह्यू आणि ट्रेंडिंग बातम्या वाचकांपर्यंत पोहोचवतो. वेगवान, स्पष्ट आणि फॅक्ट-बेस्ड रिपोर्टिंग करणं हे माझं वैशिष्ट्य आहे.