Chala Hawa Yeu Dya: छोट्या पडद्यावर सध्या बदलांचा वेग वाढलेला दिसतोय. काही नव्या मालिका सुरू होत असताना, काही कार्यक्रम अचानक बंद होत आहेत. स्टार प्रवाह, झी मराठी आणि कलर्स मराठीवर नव्या शोच्या घोषणा सुरू असतानाच, झी मराठीच्या एका कार्यक्रमाने मात्र अनपेक्षितपणे प्रेक्षकांचा निरोप घेतला.
झी मराठीवरील लोकप्रिय विनोदी शो ‘चला हवा येऊ द्या – कॉमेडीचं गँगवॉर’ अचानक ऑफ एअर झाला आहे. 14 डिसेंबर रोजी या शोचा शेवटचा भाग प्रसारित करण्यात आला. विशेष म्हणजे कोणताही ग्रँड फिनाले न होता शो संपल्याने अनेक प्रेक्षक चकित झाले.
हा शो सुरू झाला तेव्हा प्रेक्षकांमध्ये उत्सुकता होती. या सीझनमध्ये भारत गणेशपुरे, कुशल बद्रिके, श्रेया बुगडे, प्रियदर्शन जाधव आणि गौरव मोरे अशी कलाकारांची फौज दिसली. मात्र काही महिन्यांतच शोने अचानक पडदा घेतल्यामुळे सोशल मीडियावर नाराजी व्यक्त केली जात आहे.
सध्या टीव्ही विश्वात शो बंद होणं काही नवीन राहिलेलं नाही. याआधी स्टार प्रवाहवरील काही मालिका अचानक थांबवण्यात आल्या. त्याच पार्श्वभूमीवर झी मराठीवरील हा निर्णयही चर्चेत आला आहे.
दरम्यान, भाऊ कदम आणि निलेश साबळे पुन्हा एकदा झी मराठीवर दिसणार आहेत. मात्र ते कोणत्या नव्या कार्यक्रमात नाही, तर एका पुरस्कार सोहळ्याचं सूत्रसंचालन करताना प्रेक्षकांच्या भेटीला येणार आहेत. ‘चला हवा येऊ द्या’च्या जागी नेमका कोणता शो येणार, याबाबत मात्र अजून कोणतीही अधिकृत घोषणा झालेली नाही.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, टीव्ही शो आणि ओटीटीवरील नवीन अपडेट्स, रिव्ह्यू आणि ट्रेंडिंग बातम्या वाचकांपर्यंत पोहोचवतो. वेगवान, स्पष्ट आणि फॅक्ट-बेस्ड रिपोर्टिंग करणं हे माझं वैशिष्ट्य आहे.