Vallari Viraj: झी मराठीवर गेल्या काही महिन्यांत सुरू झालेल्या अनेक नव्या मालिकांना प्रेक्षकांकडून चांगला प्रतिसाद मिळत आहे. ‘कमळी’, ‘वीण दोघांतली ही तुटेना’, ‘तारिणी’ यांसारख्या मालिकांनी टीआरपीमध्ये चांगली मजल मारली. आता त्या यशाचा धागा पुढे नेत वाहिनीने आणखी एक नवी मालिका जाहीर केली आहे. या घोषणेमुळे मोठी चर्चा सुरु झाली असून, प्रेक्षकांच्या अंदाजावर शिक्कामोर्तब झाले आहे.
नव्या मालिकेचं नाव ‘शुभ श्रावणी’ असं ठेवण्यात आलं आहे. या मालिकेतून अभिनेत्री वल्लरी विराज छोट्या पडद्यावर पुनरागमन करते आहे. ‘नवरी मिळे हिटलरला’ मधील ‘लीला’च्या भूमिकेनंतर तिचं हे मोठं कमबॅक मानलं जातं. प्रोमो समोर येताच चाहत्यांनी नायिकेचा अंदाज बांधला होता आणि तो खरा ठरला. मालिकेच्या नायकाच्या भूमिकेत अभिनेता सुमित विजय दिसणार आहे. झी मराठीवर मुख्य भूमिका साकारत सुमितचा हा पहिलाच मोठा प्रोजेक्ट आहे, आणि त्याबद्दलही चाहत्यांना उत्सुकता आहे.
‘शुभ श्रावणी’ जानेवारी 2026 मध्ये सुरू होणार आहे. तारीख अद्याप जाहीर झालेली नाही. कथानकाबद्दल बोलायचं झाल्यास, नायक शुभंकर हा गरीब घरातील मुलगा असून त्याला कुटुंबाकडून खूप प्रेम मिळतं. तर दुसरीकडे श्रावणी महालात वाढली असली, तरी तिचं आयुष्य एकाकी आहे. तिचे वडील मोठे राजकारणी असूनही तिच्या भावना कुणालाच समजत नाहीत. घरातील पाळीव कुत्र्याला जास्त महत्त्व दिलं जातं, अशी झलक प्रोमोमध्ये दिसते.
श्रावणीच्या घरी शुभंकर कामाला असतो आणि ते दोघे एकमेकांच्या जवळ येतात. घरातील सगळ्यांचा वाईट वागणूक असताना शुभंकर मात्र श्रावणीशी माणुसकीने वागतो. या दोघांची प्रेमकहाणी कशी फुलते, हे मालिकेत पाहायला मिळणार आहे. वल्लरी आणि सुमितसोबत लोकेश गुप्ते आणि आसावरी जोशी नकारात्मक भूमिकेत असणार आहेत.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, वेब सिरीयल्स आणि मनोरंजन जगतातील ताज्या बातम्या, रिव्ह्यू आणि ट्रेंडिंग अपडेट्स सोप्या भाषेत वाचकांसमोर मांडतो. नेहमी अचूक आणि विश्वासार्ह माहिती देणं हेच माझं प्राधान्य आहे.