Bigg Boss Marathi 6: कलर्स मराठीवरील बिग बॉस मराठी सीझन 6 मध्ये रोज काही ना काही वाद रंगताना दिसत आहेत. घरात सतत भांडणं होत आहेत. आता चोरीच्या आरोपांमुळे वातावरण आणखी तणावपूर्ण झालं आहे.
तन्वी कोलते आणि विशाल यांच्यात दुसऱ्या आठवड्यापासून वाद सुरू आहे. आता या वादाला नवं वळण मिळालं आहे. प्रोमोमध्ये दिसतं की रोशन आणि विशालला बेडमध्ये लपवलेले तांदळाचे पॅकेट सापडतात. त्यानंतर काही जण म्हणतात की हे तन्वीने लपवून ठेवले आहे.
यावर विशाल विचारतो की हे लपवून ठेवण्यासारखं काय आहे. त्यावर रुचिता म्हणते की तुम्हाला चॉकलेट लपवलं तरी राग येतो, मग हे चालतं का? त्यावर तन्वी संतापून म्हणते की तिने काहीही चोरी केलेली नाही. ती आरोप नाकारते आणि म्हणते, “मला हा शो करायचाच नाही.”
या घटनेनंतर सोशल मीडियावर अनेकांनी तन्वीला पाठिंबा दिला आहे. काहींनी लिहिलं की मागच्या आठवड्यात अनुश्रीने स्वतः रुचिताला सांगितलं होतं की तिने काही राशन लपवून ठेवलं आहे. काही जण म्हणतात की हा सगळा प्रकार एका टोळीचं कारस्थान आहे. तर अनेकांनी लिहिलं की “तन्वी सोबत महाराष्ट्र उभा आहे.”
आता प्रश्न असा आहे की खरंच राशनची चोरी तन्वीने केली आहे का, की दुसराच कुणी यात दोषी आहे? पुढील एपिसोडमध्ये काय घडणार, हे पाहणं महत्त्वाचं ठरणार आहे.
बिग बॉस मराठी सीझन 6 दररोज रात्री 8 वाजता फक्त कलर्स मराठीवर आणि जिओ हॉटस्टारवर पाहता येईल.
अधिक बातम्या वाचण्यासाठी येथे क्लिक करा.
मी मराठी चित्रपट, वेब सिरीज आणि टीव्ही मनोरंजन क्षेत्रातील ताज्या बातम्या, ट्रेंड्स आणि अपडेट्स वाचकांपर्यंत जलदगतीने पोहोचवतो. सत्य माहिती आणि सोप्या भाषेत रिपोर्टिंग करणं ही माझी ओळख आहे.