पहिल्या दिवशी ‘आवारापन 2’ने भारतात सुमारे 22 कोटी रुपयांची नेट कमाई केली होती. त्यानंतर स्वातंत्र्यदिनाच्या सुट्टीचा चित्रपटाला मोठा फायदा झाला. दुसऱ्या दिवशी कमाईत 50 टक्क्यांहून अधिक वाढ झाली आणि चित्रपटाने 33.75 कोटी रुपयांचा गल्ला जमवला.
दोन दिवसांनंतर चित्रपटाचं भारतातील ग्रॉस कलेक्शन 66.90 कोटी रुपयांवर पोहोचलं आहे. परदेशातील कमाई धरून ‘आवारापन 2’चं वर्ल्डवाइड ग्रॉस कलेक्शन सुमारे 72.90 कोटी रुपये झालं आहे.
इम्रान हाश्मीच्या जुन्या चित्रपटांच्या तुलनेतही ‘आवारापन 2’ची सुरुवात खूप मोठी ठरली आहे. चित्रपटाने ‘जन्नत’, ‘राज 2’, ‘एक थी डायन’ आणि ‘हक’ यांसारख्या सिनेमांच्या लाइफटाइम कलेक्शनचा आकडा अवघ्या दोन दिवसांत पार केला आहे. विशेष म्हणजे, 2007 मध्ये आलेल्या पहिल्या ‘आवारापन’ने संपूर्ण प्रदर्शनात 7.75 कोटी रुपये नेट कमावले होते. ‘आवारापन 2’ने हा आकडा अगदी सुरुवातीच्या टप्प्यातच मागे टाकला.
या कमाईमुळे ‘आवारापन 2’ने एकाच दिवशी प्रदर्शित झालेल्या सनी देओलच्या ‘बटवारा 1947’वरही मोठी आघाडी घेतली आहे. ‘बटवारा 1947’ने दुसऱ्या दिवशी 13.50 कोटी रुपयांची नेट कमाई केली आणि दोन दिवसांत त्याचं देशांतर्गत नेट कलेक्शन 19.25 कोटी रुपये झालं.
म्हणजेच दोन दिवसांच्या कमाईत ‘आवारापन 2’ने ‘बटवारा 1947’च्या तुलनेत जवळपास तीनपट अधिक नेट कलेक्शन केलं आहे. त्यामुळे स्वातंत्र्यदिनाच्या लाँग वीकेंडमध्ये इम्रान हाश्मीच्या चित्रपटाचा दबदबा स्पष्टपणे दिसून येत आहे.
नितीन कक्कर दिग्दर्शित ‘आवारापन 2’मध्ये इम्रान हाश्मी पुन्हा एकदा शिवम पंडितच्या भूमिकेत दिसत आहे. दिशा पटानी, शबाना आझमी, श्रिया सरन आणि शाद रंधावा यांच्या महत्त्वाच्या भूमिका आहेत.
आता रविवारच्या कमाईनंतर ‘आवारापन 2’ किती मोठा आकडा गाठतो, याकडे सर्वांचं लक्ष लागलं आहे. तिसऱ्या दिवशी चित्रपटाची कमाई 70 कोटी रुपयांच्या आसपास पोहोचण्याची शक्यता व्यक्त करण्यात येत आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.