Zee Marathi: झी मराठीवरील Chala Hawa Yeu Dyaच्या नव्या पर्वाची सुरुवात 26 जुलै 2025 रोजी झाली. मात्र या पर्वात डॉ. निलेश साबळे आणि भाऊ कदम नसल्याने अनेक चाहत्यांना निराशा झाली होती. नव्या सीझनमध्ये श्रेया बुगडे, भारत गणेशपुरे, कुशल बद्रिके, प्रियदर्शन जाधव आणि गौरव मोरे दिसले, तर सूत्रसंचालन अभिनेता अभिजीत खांडकेकर करत होता. तरीही प्रेक्षकांना जुन्या टीमची उणीव सतत जाणवत होती.
आता हीच उणीव भरून निघणार का, असा प्रश्न निर्माण झाला आहे. कारण झी मराठीने अलीकडेच सोशल मीडियावर एक नवा प्रोमो शेअर केला आहे. या प्रोमोमध्ये दोन व्यक्ती पाठमोऱ्या दिसतात. कृष्णधवल व्हिडिओसोबत दिलेलं कॅप्शन अधिक लक्ष वेधून घेतं.
कॅप्शनमध्ये लिहिलंय, “बाकीच्यांचं COMEBACK 2026 मध्ये असेल, आपलं COMEBACK 2025 मध्येच होणार! ‘उगाच’ नाही… बघाच! लवकरच…”
हा प्रोमो पाहताच चाहत्यांनी अंदाज बांधायला सुरुवात केली. सोशल मीडियावर अनेकांनी हे पाठमोरे चेहरे म्हणजे निलेश साबळे आणि भाऊ कदम असल्याचं म्हटलं आहे. काहींनी तर त्यांच्या परतण्याचा आनंदही व्यक्त केला. “तुम्हाला ओळखणार नाही असं वाटलं का?” अशा कमेंट्सही पाहायला मिळाल्या.
मात्र हे दोघे पुन्हा **‘चला हवा येऊ द्या’**मध्येच दिसणार का, याबाबत अजून स्पष्टता नाही. कारण प्रोमोमध्ये ‘उगाच’ या शब्दावर खास भर देण्यात आला आहे. त्यामुळे ते झी मराठीच्या चर्चेत असलेल्या ‘उगाच अवॉर्ड्स’ या नव्या कार्यक्रमातून प्रेक्षकांसमोर येण्याची शक्यता व्यक्त केली जातेय.
वर्षअखेरीस होणाऱ्या या मजेशीर पुरस्कार सोहळ्यातून निलेश आणि भाऊ यांचा कमबॅक होतो का, हे पाहणं आता औत्सुक्याचं ठरणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, टीव्ही सिरीयल्स आणि ओटीटीवरील ट्रेंडिंग अपडेट्स आणि मनोरंजन बातम्या वाचकांपर्यंत पोहोचवते. विश्वासार्ह माहिती आणि सोप्या भाषेतील प्रेझेंटेशन हे माझ्या लेखनाचं वैशिष्ट्य आहे.