‘लक्ष्मी निवास’ मालिकेत सध्या एकापेक्षा एक धक्कादायक वळणं येत आहेत. नवीन प्रोमो पाहून प्रेक्षक थक्क झाले आहेत, कारण या वेळी गोष्ट थेट स्मृतीभ्रंश, भावनिक संघर्ष आणि घरगुती गोंधळापर्यंत पोहोचली आहे!
सिंचनाची अट, लक्ष्मी-श्रीनिवासचे डोळे पाणावले
लक्ष्मी आणि श्रीनिवास, सुनेला म्हणजेच सिंचनाला परत आणण्यासाठी गाडेपाटलांच्या घरी जातात. सिंचना घरी परतण्यास तयार होते, पण अट ठेवते – ती आणि हरीश वेगळं स्वयंपाकघर वापरणार आणि स्वत:चं जेवण बनवणार. या निर्णयाने सासू-सासऱ्यांचे मन पाणावते.
जान्हवीचा धाडसी पाऊल
दुसऱ्या बाजूला, जयंतच्या त्रासाला कंटाळून जान्हवी काहीतरी मोठं करण्याच्या तयारीत आहे. मालिकेत जयंतने ‘जयंतवाणी’ हा वेडगळ खेळ सुरू करून, घरात उंदीर आणून जान्हवीला घाबरवण्याचा प्रयत्न केला होता. पण या वेळेस जान्हवीने दुधात गोळ्याची पावडर मिसळताना दाखवलं आहे. त्या गोळ्यांचा नेमका उद्देश काय, हे पुढील भागात उघड होणार आहे.
सिद्धुला स्मृतीभ्रंश, भावनाला घराबाहेरचा रस्ता
प्रोमोचा सगळ्यात मोठा धक्का म्हणजे सिद्धुला झालेला स्मृतीभ्रंश. डोक्यावर पट्टी बांधलेल्या सिद्धूला भावना ओळखतच नाही. हीच वेळ साधून आजी तिला घराबाहेर काढते. पण भावना ठामपणे सांगते – “सिद्धूची स्मृती परत येईपर्यंत मी घर सोडणार नाही.”
हा प्रोमो सोशल मीडियावर जोरदार व्हायरल झाला असून, प्रेक्षक एकच प्रश्न विचारतायत – “आता पुढे काय होणार?”
अधिक बातम्या वाचण्यासाठी येथे क्लिक करा.
मी मराठी मनोरंजनविश्वातील नवीन चित्रपट, सिरीयल्स आणि ट्रेंडिंग बातम्या वाचकांपर्यंत पोहोचवतो. फॅक्ट-बेस्ड लेखन आणि अपडेटेड माहिती देणं हेच माझं ध्येय आहे.