Dashavatar Movie on TV: ज्येष्ठ अभिनेते दिलीप प्रभावळकर यांची प्रमुख भूमिका असलेला ‘दशावतार’ हा सिनेमा 2025 मध्ये प्रेक्षकांच्या मनात घर करून गेला. चित्रपटगृहात दमदार यश मिळवल्यानंतर आता हा सिनेमा घरबसल्या पाहता येणार आहे. छोट्या पडद्यावर ‘दशावतार’चा वर्ल्ड टेलिव्हिजन प्रीमियर लवकरच होणार आहे.
कोकणातील पारंपरिक लोककलेवर आधारित ही कथा बाबुली मेस्त्री या दशावतारी कलाकाराभोवती फिरते. वैयक्तिक दु:ख, गावावर आलेले संकट, अन्यायाविरुद्धचा संघर्ष आणि सत्याचा शोध असा भावनिक प्रवास या सिनेमातून उलगडतो. लोककला, श्रद्धा आणि आजचं वास्तव यांचा सुंदर मेळ या कथेत पाहायला मिळतो.
या चित्रपटात दिलीप प्रभावळकर यांच्यासोबत महेश मांजरेकर, सिद्धार्थ मेनन, अभिनय बेर्डे, प्रियदर्शनी इंदलकर, सुनील तावडे, रवी काळे आणि लोकेश मित्तल यांनी महत्त्वाच्या भूमिका साकारल्या आहेत. बाबुली मेस्त्रीचा शेवटचा दशावतार प्रेक्षकांसाठी खास ठरणार आहे.
वर्ल्ड टेलिव्हिजन प्रीमियर झी मराठी वाहिनीवर 21 डिसेंबर 2025 रोजी होणार आहे. संध्याकाळी 7 वाजता हा सिनेमा प्रसारित केला जाणार आहे. या खास प्रसंगानिमित्त झी मराठीने एक वेगळा उपक्रमही राबवला आहे.
झी मराठीवरील लोकप्रिय मालिकांमधील कलाकार दशावतारी कलाकारांना अनोख्या पद्धतीने मानवंदना देताना दिसणार आहेत. ‘लक्ष्मी निवास’, ‘तारिणी’, ‘वीण दोघातली ही तुटेना’, ‘सावळ्याची जणू सावली’ आणि ‘कमळी’ या मालिकांमधील कलाकार वेगवेगळ्या दशावतारी अवतारांमध्ये प्रेक्षकांसमोर येणार आहेत.
या सर्व कलाकारांची रंगभूषा सुप्रसिद्ध कोनस्कर बंधू दादा राणे कोनस्कर आणि उदय राणे कोनस्कर यांनी केली आहे. दशावतारी रंगभूमीवर गेली 34 वर्षे कार्यरत असलेल्या या दिग्गजांनी आतापर्यंत 7000 हून अधिक प्रयोगांत भूमिका साकारल्या आहेत. त्यांच्या उपस्थितीमुळे हा उपक्रम कलाकारांसाठीही खास ठरला आहे.
धिक बातम्या वाचण्यासाठी येथे क्लिक करा.
मी मराठी चित्रपट, वेब सिरीज आणि टीव्ही मनोरंजन क्षेत्रातील ताज्या बातम्या, ट्रेंड्स आणि अपडेट्स वाचकांपर्यंत जलदगतीने पोहोचवतो. सत्य माहिती आणि सोप्या भाषेत रिपोर्टिंग करणं ही माझी ओळख आहे.