रणबीर कपूर, साई पल्लवी, यश आणि रवी दुबे यांच्या प्रमुख भूमिका असलेला ‘रामायण’ हा सिनेमा 5 नोव्हेंबर रोजी जगभरातील चित्रपटगृहांमध्ये प्रदर्शित झाला. जवळपास 4000 कोटी रुपयांच्या बजेटमुळे या चित्रपटाची आधीपासूनच चर्चा होती. त्यामुळे पहिल्या दिवशी हा सिनेमा किती कमाई करणार, याकडे सर्वांचे लक्ष लागले होते.
प्रदर्शनापूर्वीच चित्रपटाला चांगला प्रतिसाद मिळाला होता. अॅडव्हान्स बुकिंगमधून 100 कोटी रुपयांची कमाई झाल्याचे वृत्त होते. सोशल मीडियावर मात्र चित्रपटाला संमिश्र प्रतिक्रिया मिळाल्या. काही प्रेक्षकांनी साई पल्लवीच्या अभिनयाचे कौतुक केले, तर काहींनी यशच्या भूमिकेला पसंती दिली.
आता पहिल्या दिवसाचे बॉक्स ऑफिस आकडे समोर आले आहेत. सुरुवातीच्या आकडेवारीनुसार, चित्रपटाने भारतात दमदार सुरुवात केली आहे.
रामायणचे पहिल्या दिवसाचे बॉक्स ऑफिस कलेक्शन
बॉक्स ऑफिस ट्रॅकर सॅकनिल्कच्या प्राथमिक आकडेवारीनुसार, ‘रामायण’ने पहिल्या दिवशी भारतात 25,200 शोजमधून 64.85 कोटी रुपयांची कमाई केली आहे. तर चित्रपटाचे ग्रॉस कलेक्शन 77.50 कोटी रुपयांपर्यंत पोहोचले आहे.
चित्रपटाने वेगवेगळ्या भाषांमध्ये केलेली कमाई पुढीलप्रमाणे आहे.
– हिंदी – 47.50 कोटी रुपये (20,678 शोज)
– कन्नड – 7.25 कोटी रुपये (1,197 शोज)
– तेलुगू – 6 कोटी रुपये (1,776 शोज)
– तमिळ – 2.60 कोटी रुपये (992 शोज)
– मल्याळम – 1.50 कोटी रुपये (557 शोज)
पहिल्याच दिवशी चित्रपटाची एकूण 25,25,775 तिकिटे विकली गेली.
2026 मधील दुसरी सर्वात मोठी ओपनिंग
पहिल्या दिवसाच्या कमाईसह ‘रामायण’ने 2026 मधील सर्वाधिक ओपनिंग करणाऱ्या चित्रपटांच्या यादीत दुसरे स्थान मिळवले आहे. या यादीत ‘धुरंधर 2’ पहिल्या क्रमांकावर आहे. 2026 मधील टॉप 5 ओपनर चित्रपटांची यादी अशी आहे.
1. धुरंधर 2 – 99.10 कोटी रुपये
2. रामायण – 64.28 कोटी रुपये
3. दृश्यम 3 – 62 कोटी रुपये
4. बॉर्डर 2 – 30 कोटी रुपये
5. मिर्झापूर द मूव्ही – 25.50 कोटी रुपये
मात्र, एवढी चांगली सुरुवात करूनही ‘रामायण’ला आणखी एक विक्रम करता आलेला नाही.
आदिपुरुषचा ओपनिंग रेकॉर्ड कायम
रणबीर कपूरच्या ‘रामायण’कडून पहिल्या दिवसाच्या कमाईबाबत मोठ्या अपेक्षा होत्या. मात्र, चित्रपटाला प्रभास आणि सैफ अली खान यांच्या ‘आदिपुरुष’चा ओपनिंग रेकॉर्ड मोडता आलेला नाही. ‘आदिपुरुष’ने प्रदर्शनाच्या पहिल्या दिवशी 86.75 कोटी रुपयांची कमाई केली होती.
त्यामुळे 64.85 कोटी रुपयांच्या कमाईसह ‘रामायण’ने चांगली सुरुवात केली असली, तरी आदिपुरुषचा पहिल्या दिवसाचा विक्रम अजूनही कायम आहे. आता आगामी दिवसांत चित्रपटाच्या कमाईत किती वाढ होते, हे पाहणे महत्त्वाचे ठरणार आहे.
अधिक बातम्या वाचण्यासाठी येथे क्लिक करा.
Related Posts
मी मराठी मनोरंजन क्षेत्रातील नवीन चित्रपट, सिरीयल्स आणि सोशल मीडियावर ट्रेंड होणाऱ्या घडामोडींवर खास लेखन करते. अचूक माहिती आणि वाचकांना समजेल अशा सरळ शैलीत रिपोर्टिंग करणं हे माझं प्राधान्य आहे.