Bigg Boss Marathi 6: ‘बिग बॉस मराठी’ हा छोट्या पडद्यावरील लोकप्रिय कार्यक्रम आहे. या शोमुळे अनेकांना नवी ओळख मिळाली आहे. याच शोमधून प्रसिद्ध झालेला स्पर्धक म्हणजे सुरज चव्हाण. आता त्याला ‘बिग बॉस मराठी 6’मध्ये येण्यासाठी कलर्स मराठीकडून आमंत्रण देण्यात आलं आहे.
सुरजने ‘बिग बॉस मराठी 5’ची ट्रॉफी जिंकली होती. त्यानंतर त्याचं आयुष्य पूर्णपणे बदललं. उपमुख्यमंत्री अजित पवार यांनी त्याला घर बांधून देण्याचं आश्वासन दिलं होतं आणि ते पूर्णही झालं. काही महिन्यांपूर्वीच सुरजने लग्न केलं. रीलस्टार असलेला सुरज एका शोमुळे मोठा स्टार झाला.
दरम्यान, ‘बिग बॉस मराठी 6’ नुकताच सुरू झाला आहे. पहिल्याच आठवड्यात घरात अनेक वाद झाले आहेत. यावेळी राजकारणी, अभिनेता, अभिनेत्री, डान्सर असे १७ स्पर्धक घरात आहेत. भाऊच्या धक्क्यावर रितेश देशमुखने सर्वांना सुनावलंही आहे.
सुरज घरात जाणार का, याबाबत त्याने नुकत्याच एका मुलाखतीत खुलासा केला. तो म्हणाला, “ऑफर आली आहे. बोलावलंय तर जायचंच. पण गेस्ट म्हणून जाणार आहे.” म्हणजेच सुरज लवकरच BBM 6च्या घरात पाहुणा म्हणून दिसू शकतो. तो पत्नीसमवेतही येऊ शकतो, असंही सांगितलं जात आहे.
अधिक बातम्या वाचण्यासाठी येथे क्लिक करा.
मी मराठी चित्रपट, वेब सिरीयल्स आणि मनोरंजन जगतातील ताज्या बातम्या, रिव्ह्यू आणि ट्रेंडिंग अपडेट्स सोप्या भाषेत वाचकांसमोर मांडतो. नेहमी अचूक आणि विश्वासार्ह माहिती देणं हेच माझं प्राधान्य आहे.