स्वातंत्र्यदिनाच्या आठवड्यात प्रेक्षकांसाठी चित्रपट आणि वेब सिरीजचा मोठा मेजवानी घेऊन OTT प्लॅटफॉर्म आणि थिएटर सज्ज आहेत. 13 ते 15 ऑगस्टदरम्यान अनेक बहुप्रतिक्षित रिलीज होणार आहेत, ज्यात अॅक्शन, थ्रिलर, हॉरर आणि रिअॅलिटी शोचा तडका आहे.
‘वॉर २’ हा या वर्षातील सर्वाधिक चर्चेत असलेला चित्रपट 14 ऑगस्टला थिएटरमध्ये येतो आहे. हृतिक रोशन, ज्युनियर एनटीआर आणि कियारा अडवाणी यांची तगडी स्टारकास्ट यात पाहायला मिळणार आहे.
सुपरस्टार रजनीकांत यांचा ‘कुली’ देखील 14 ऑगस्टला प्रदर्शित होणार आहे. नागार्जुन अक्किनेनी आणि आमिर खान यांसारखे दिग्गज कलाकार यात महत्त्वाच्या भूमिकेत दिसतील.
Netflix वर 13 ऑगस्टला ‘सारे जहाँ से अच्छा’ ही अॅक्शन-थ्रिलर सिरीज प्रेक्षकांच्या भेटीला येणार आहे. त्याच दिवशी JioHotstar वर ‘एलियन: अर्थ’ ही नवीन सायन्स-फिक्शन हॉरर सिरीज रिलीज होईल.
लोकप्रिय रिअॅलिटी शो ‘लव इज ब्लाइंड’चा दुसरा सीझन 13 ऑगस्टपासून स्ट्रीमिंगसाठी उपलब्ध होईल. Sony LIV वर ‘कोर्ट कचहरी’ हा राजकीय आणि न्यायव्यवस्थेवर आधारित ड्रामा पवन मल्होत्रा, आशीष वर्मा आणि पुनीत बत्रा यांच्या भूमिकांसह 13 ऑगस्टपासून सुरू होईल.
टाइम-ट्रॅव्हलवर आधारित ‘क्वांटम लीप’चा नवीन सीझन Netflix वर 14 ऑगस्टला येतो आहे. ZEE5 वर जॉन अब्राहम, नीरू बाजवा आणि मानुषी छिल्लर अभिनीत ‘तेहरान’ हा अॅक्शन-थ्रिलर चित्रपट 14 ऑगस्टला प्रदर्शित होईल.
15 ऑगस्टला ‘द ईकोस ऑफ सर्वाइवर्स’ ही कोरियातील एका भीषण घटनेतून वाचलेल्या लोकांच्या वास्तवकथांवर आधारित डॉक्यूमेंट्री रिलीज होईल.
Prime Video वर 14 ऑगस्टपासून ‘अंधेरा’ ही हॉरर-थ्रिलर अँथोलॉजी सिरीज प्रेक्षकांच्या भेटीला येणार आहे. प्रिया बापट, करणवीर मल्होत्रा, प्राजक्ता कोळी आणि सुरवीन चावला यांच्या प्रमुख भूमिका यात पाहायला मिळतील.
ही स्वातंत्र्यदिनाची सुट्टी प्रेक्षकांसाठी मनोरंजनाची खरी पर्वणी ठरणार आहे, कारण थिएटर आणि OTT दोन्हीकडे एकापेक्षा एक दमदार रिलीजची मेजवानी आहे.
अधिक बातम्या वाचण्यासाठी येथे क्लिक करा.
मी मराठी चित्रपट, वेब सिरीयल्स आणि मनोरंजन जगतातील ताज्या बातम्या, रिव्ह्यू आणि ट्रेंडिंग अपडेट्स सोप्या भाषेत वाचकांसमोर मांडतो. नेहमी अचूक आणि विश्वासार्ह माहिती देणं हेच माझं प्राधान्य आहे.