Bigg Boss 19 मध्ये आता पुन्हा एक मोठा ट्वीस्ट पाहायला मिळणार आहे. काही दिवसांपूर्वी तब्येतीच्या कारणास्तव घराबाहेर गेलेला मराठमोळा कॉमेडियन प्रणित मोरे आता पुन्हा शोमध्ये परतला आहे.
गेल्या आठवड्यातल्या ‘वीकेंड का वार’मध्ये सलमान खानने जाहीर केलं होतं की, प्रणित एलिमिनेट झालेला नाही, तर आरोग्याच्या कारणास्तव त्याला घर सोडावं लागलं आहे. त्या क्षणानंतरच चाहत्यांनी सोशल मीडियावर त्याच्या परतीची मागणी सुरू केली होती. अखेर चाहत्यांची ही इच्छा पूर्ण झाली असून, पुढील भागात प्रणितची धमाकेदार एन्ट्री होणार आहे.
बिग बॉसच्या अधिकृत पेजवर याचा प्रोमो शेअर करण्यात आला आहे. प्रोमोमध्ये स्टोअर रुममधील बेल वाजते आणि नीलम गिरी तिकडे पाहायला जाते. तिला कप्प्यात काहीतरी हालचाल जाणवते आणि ती घाबरते. काही वेळातच इतर स्पर्धक — मृदूल, फरहाना आणि कुनिका — तिथे धाव घेतात. मृदूल जेव्हा पुढे जाऊन पाहतो, तेव्हा मोठ्याने ओरडतो, आणि घरात खळबळ उडते.
प्रेक्षकांनी हा प्रोमो पाहताच अंदाज बांधला की, स्टोअर रुममध्ये प्रणित मोरेच परतला आहे. सोशल मीडियावर चाहत्यांनी त्याला टॅग करत भरपूर कमेंट्स केल्या आहेत. आता प्रणितच्या पुनरागमनावर घरातील सदस्यांची प्रतिक्रिया काय असेल, हे पाहणं उत्सुकतेचं ठरणार आहे.
दरम्यान, गेल्या आठवड्यात प्रणित घराचा कॅप्टन झाला होता, पण तब्येतीमुळे त्याला खेळ सोडावा लागला. या आठवड्यात गायक अमाल मलिक दुसऱ्यांदा कॅप्टन बनला आहे.
अधिक बातम्या वाचण्यासाठी येथे क्लिक करा.
Related Posts
मी मराठी चित्रपट, टीव्ही शो आणि ओटीटीवरील नवीन अपडेट्स, रिव्ह्यू आणि ट्रेंडिंग बातम्या वाचकांपर्यंत पोहोचवतो. वेगवान, स्पष्ट आणि फॅक्ट-बेस्ड रिपोर्टिंग करणं हे माझं वैशिष्ट्य आहे.